1. |
Bilaketa
03:29
|
|||
|
Leku ez-abegitsuetatik babesgabe,
galduta,
idia bilatzen hasten zara.
Urek gainezka egiten dute.
Mendiak urrun agertzen dira.
Bideak amaierarik gabekoa dirudi.
Etsita, nekatuta,
nora jo?
Berandutzen ari da.
Zer da txitxarrek abesten dutena?
Zer da astigarrek isilean gordetzen dutena?
|
||||
2. |
Susmoa
03:20
|
|||
|
Errekastotik hurbil, zuhaitzen azpian,
ahaztuaren oinatzak ez dira ia ikusten.
Belarra trinkotu egiten da, bere perfumeak horditu egiten du.
Hau al da bidea?
Bitartean, mendi-muinoetatik haratago,
idia jauzika dabil.
Muturra altxatuz, zerua du arnasten
eta inork ezin du ezkutatu.
|
||||
3. |
Aurkikuntza
04:25
|
|||
|
Adarrik garaienetik
urretxindorraren kanta jeisten da.
Eguzki epela, brisa freskoa,
uretatik hurbil, zumeak berdeak dira.
Idia azkenean ere azaltzen da.
Ez du non ezkutaturik.
Bere burutzarra, bere adar handitsuak,
zein margolarik irudika litzake?
|
||||
4. |
Atzematea
03:00
|
|||
|
Kontzentrazio handiaren poderioz
idia aurkitu duzu azkenean.
Basatia da gero!
Nork atzeman dezake benetan?
Batzuetan gailurretaraino igotzen da,
Beste batzuetan amildegietaraino jaisten,
lanbroan barrena galtzeko ondoren...
|
||||
5. |
Bezatzea
03:23
|
|||
|
Ez zaitez sekula aldendu zigor eta sokatik:
idia harea mugikorretatik gal liteke.
Ongi gordetzen baduzu, ongi zaintzen baduzu,
gozoa eta otzana bihurtuko da.
Orduan soka guztiak eten ahal izango dituzu,
eta hura lotzeko beharrizanik gabe,
leku guztietatik jarraituko dizu.
|
||||
6. |
Itzulera Handiaren Bidea
02:37
|
|||
|
Orain lasai-lasai itzultzen zara etxera
idiaren gainean eserita.
Lanbroetan bilduta
zein ederra den zure xirularen soinua arratsaldean!
Zure melodia abesten duzu,
erritmoa daramazu,
bihotza poz ezezagun batez beteta.
Esan beharra dago:
Hemendik aurrera jakintsuekin bizi zara!
|
||||
7. |
||||
|
Idiak eraman zaitzala utziz
zure egoitzara itzuli zara azkenik.
Idia desagertu egin da.
Bakarrik zaude,
eserita eta lasai.
Nahiz eta eguzkia zeru goian egon,
baketsu darraizu zure ametsa utzi gabe.
Lastozko teilatuaren azpian
zigorra eta soka utzi dituzu,
alferrekoak oraindanik.
|
||||
8. |
Ezereza
02:14
|
|||
|
Ezer ez.
Ez zigorrik, ez sokarik, ez gizakirik, ez idirik.
Ezer ez.
Zer bihurtzen dira elur-malutak
sugarraren bihotzera erortzen direnean?
Aintzinakoaren Izpiritua
Zabaldian hedatzen da.
|
||||
9. |
||||
|
Jatorria bilatzea, Iturriaz kezkatzea
urrats okerra da dagoeneko.
Nor bere baitan gelditzea, ikusi eta entzun nahi izan gabe,
galderarik gabe esertzea...
Hona non zabaltzen den Misterioaren atea:
Ezer baino zerbait gehiago.
Errekastoak xuxurlatzen du,
sagarrondoaren lorea loratu da
zergatirik gabe.
|
||||
10. |
||||
|
Bihotza eta oinak biluzik
merkatuko plazara itzultzen zara.
Zure irribarreak hautsaren azpian distiratzen du.
Ez duzu miraririk egiten eta, hala ere,
nonahitik igarotzen zarela,
udaberria da.
|
||||
Isuo ta Kezman
Gozagarritasunaren gorazarre etengabeak aurrera darrai.
Isuo ta Kezman recommends:
Bikaina
go to album
Harrigarria
go to album
DOI
by Maddi Oihenart & Sokahots Orkestra
Maistra-lana
go to albumIf you like Idiaren zaintzari buruzko hamar estanpak, you may also like:
Sorry I'm So Sensitive
by Bea Stewart
The second EP from Northern Irish singer-songwriter Bea Stewart runs from gentle folk to pillowy pop ballads, all perfectly executed.
go to album
featured on Bandcamp Radio Mar 26, 2024
go to album
featured on Bandcamp Radio Mar 19, 2024
go to album
